广东
藝人湯怡早前被網民拍到，身穿美容師制服午膳，後來回覆《香港01》時，表示自己一直對美容有興趣，「覺得學多樣嘢都冇壞啊！」今日（6/10）湯怡出席《拾荒法師》首映禮，澄清自己非「打多份工」，只是參觀朋友間公司，看看有冇投資機會。
湯怡早前被網民拍到，身穿美容師制服午膳。（Threads圖片）
後來回覆《香港01》時，表示自己一直對美容有興趣，「覺得學多樣嘢都冇壞啊！」（葉志明 攝）
當記者問到湯怡最近是否打多份工？湯怡便澄清：「唔係打多份工，剛剛陳家樂見到我都問我搞乜？我只係上朋友間公司睇下，佢想叫我投資，但我對呢方面一啲都唔認識，所以上去參觀吓，睇吓一間美容院點運作。」
問到湯怡最近是否打多份工？湯怡便澄清，只係上朋友間公司睇下，佢想叫我投資。」（葉志明 攝）
至於點解會換上整套制服，湯怡解釋：「因為當日自己著咗淺色衫，同埋要睇成日，驚整污糟自己件衫，就換咗套制服會方便啲。」當日有否學到一招半式？「學都未學，始終第一日唔敢亂嚟。」至於有冇機會成事，湯怡就覺得始終係一門生意，要再了解多一點。「好似整餅，我都要學識整餅先敢去開自己嘅舖頭。不過無論男士女士，都鍾意扮靚，所以係好有潛力。」
湯怡解釋當日自己著淺色衫，稱為免整污糟自己件衫，才換上整套制服。（ 葉志明 攝）
陳家樂最近亦轉型做歌手，推出第一首個人單曲《我們都是無名氏》。（葉志明 攝）
陳家樂正式出歌做歌手 向連詩雅請教講極唔明？
另外，陳家樂最近亦轉型做歌手，推出第一首個人單曲《我們都是無名氏》，原定三年前已經想出這首歌，去多謝事業上一直以來幫助自己的朋友。去到今年初獲《香港電影金像獎》提名最佳男主角，是最佳推出時機都冇落實做到，公司就跟陳家樂講再不推出，不如將首歌丟掉，令他的起心肝去做。
入錄音室前，陳家樂都有請教太太連詩雅，但坦言完全聽不明白。（葉志明 攝）
入錄音室前，陳家樂都有請教太太連詩雅，但坦言完全聽不明白。「唔係咁易明白到歌手的思維及技巧，我係好皮毛。到最後佢發現教我嘅唱歌技巧完全掌握唔到，就搵了一位老師解釋畀我聽。因為佢唔係教開唱歌，唔識好仔細分析畀我聽，而我又係有唔明就問到篤嘅人，所以最後搵咗位老師畀我。」不過太太最後都冇陪他入錄音室，「佢唔想畀壓力我。」
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
